ຄໍາວ່າ “ອາທິດ” ແມ່ນເຊື້ອອະທິຕິ ເທວະດາຈໍາພວກນຶ່ງ ຊຶ່ງມີແມ່ແມ່ນນາງອະທິຕິ ອັນເປັນຊາຍາຂອງ ພຣະກັສຍະປະປະຊາບໍດີ, ເທວະດາພວກດັ່ງກ່າວ ກ່າວໄວ້ໃນຕໍານານແຕກຕ່າງກັນອອກໄປ ບາງບ່ອນ ວ່າມີ 5 ອົງ ບາງບ່ອນວ່າ 7 ອົງ ແລະ ບາງບ່ອນມີ 12 ອົງ ເປັນຕົ້ນ ອິນທາທິດ, ວະຣຸນາທິດ. ພຣະອາທິດ ຫຼື ພຣະສຸຣິຍະ ຫຼື ພຣະສູດຣຍະ ເປັນເທວະດານົບພະເຄາະອົງນຶ່ງທີ່ມີອໍານາດເໜືອກວ່າເທວະດານົບພະເຄາະທັງຫຼາຍ.

ນອກຈາກນີ້, “ອາທິດ” ຍັງໝາຍເຖິງດວງຕາເວັນ (ໜ່ວຍຕາເວັນ ກໍວ່າ) ຊຶ່ງແມ່ນລູກໄຟໃຫຍ່ ໃຫ້ຄວາມ ຮ້ອນ, ຄວາມອົບອຸ່ນ ແລະ ແສງສະຫວ່າງແກ່ບັນດາດາວເຄາະ, ດວງດາວທີ່ຢູ່ໄກ້ ແລະ ໄກ ບ່ອນທີ່ແສງຂອງດວງອາທິດແຜ່ໄປເຖິງ ເປັນຕົ້ນ ໂລກຂອງມະນຸດເຮົາ. 
https://doodido.com/%e0%ba%84%e0%bb%8d%e0%ba%b2%e0%ba%a7%e0%bb%88%e0%ba%b2-%e0%ba%ad%e0%ba%b2%e0%ba%97%e0%ba%b4%e0%ba%94-%e0%ba%81%e0%ba%b2%e0%ba%99%e0%ba%99%e0%bb%8d%e0%ba%b2%e0%bb%83%e0%ba%8a%e0%bb%89/